من يصلح للرئاسة

موضوع: من يصلح للرئاسة 4/2/2011, 4:06 am

السلام عليكم ورحمة الله وبركاته
شباب منتدانا العظيم
المرحله المقبله مرحله صعبه ومرحله حاسمه فى تاريخ هذا الوطن العزيز
نريد ان نرى وجهة نظر شباب تلبانه فى من يصلح بان بكون قائدا لهذا الشعب فى المرحله المقبله
فمن من وجهة نظرك يصلح ان يكون قائدا
وهل تجدد الثقه مرة اخرى فى الحزب الوطنى؟
ام مرشحى الاحزاب المعارضه؟
ام مرشحى الجماعات الاسلاميه؟
نريد ان نرى وجهة نظركم جميعا فى هذا الحدث الهام

موضوع: رد: من يصلح للرئاسة 4/2/2011, 8:45 am

انا من راى انه يكون عمرو موسى

موضوع: رد: من يصلح للرئاسة 5/2/2011, 3:08 am

انا من راى مرشح الاخوان المسلمون

موضوع: رد: من يصلح للرئاسة 5/2/2011, 3:32 am

انا ارى افضل واحد يمسك منصب رئيس البلاد هو عمر موسى او واحد من عامه الشعب مش من الاحزاب السياسيه وافضل واحد للمنصب ده هو العالم احمد زويل

موضوع: رد: من يصلح للرئاسة 5/2/2011, 5:54 am

ليه يا شريف وايه سبب اختيارك لاحمد زويل وعمرو موسى ولا انت بتقلد وخلاص

موضوع: رد: من يصلح للرئاسة 5/2/2011, 7:01 am

عمر سليمان

موضوع: رد: من يصلح للرئاسة 7/2/2011, 11:00 pm

من وجهة نظرى الشخصية أفضل المرشحين وأحسنهم

هو / عمرو موسى للأسباب الأتية

1. لا تختلف عليه معظم الاحزاب وشباب 25 يناير

ويتمتع بالقبول العام لدى عموم الشعب المصرى

2. صاحب خبرة طويلة فى معظم قضايا مصر سواء

الداخلية والخارجية

3. ليس مقربا من امريكا ولا محببا لإسرائيل حتى

تحدث حوله شبهات انه اتى من امريكا وخلافه

4. عقلية محترمه جدااا ومتوازنه فى القرارت

5 . سجل نظيف فى وزراة الخارجية المصرية ومحاولات

رائعه فى الجامعة العربية فى معظم القضايا

6 . خليفته المدنية وليست العسكريه والتى ستنعكس حتما على حكمه

ولكم حرية الاختيار تقبلوا مرورى

موضوع: رد: من يصلح للرئاسة 7/2/2011, 11:08 pm

ممتاز جدا كلامك يا استاذ متولى

ولكنى افضل مرشح الاخوان

لخلفيته الاسلاميه

افضل من مرشح علمانى

موضوع: رد: من يصلح للرئاسة 7/2/2011, 11:42 pm

متفق معك يا استاذ محمد ولكن

انت الان فى فترة شائكه جدا إذن

نحن بحاجه لشخص لا يختلف عليه مسلم

او مسيحى علمانى يسارى او يمينى

اما مرشح اخوانى ذو خلفية دينية ستجدد

تخوف المسحين يظهر من وجود اضطهاد لهم

وهم الان من دون شىء يشتكون

نحن بحاجه الان لشخصية وسطيه

حتى تستطيع ارضاء جميع الاطراف دوان الدخول فى متاهات

وارجاء مصر لوضع الامان والاستقرار

وان شاء الله يُكتب لمصر ما فيه الخير والصلاح

موضوع: رد: من يصلح للرئاسة 8/2/2011, 4:09 am

اللى احنا شفناه يا استاذ متولى فى التظاهرات الاخيره

ان جميع طوائف الشعب كانو يدا واحده ومكنتش تقدر تفرق مابين اخوانى ومسيحى وعلمانى

الروح اللى كانت موجوده كانت موجوده داخل الجميع

واظهرت هذه التظاهرات ان الجميع كان هدفهم الاصلاح

انا مش بدافع عن الاخوان لكنى بعترف انهم ليهم دور ودور مؤثر جدا

وهما اللى كانوا بيطهدوا اغلب الوقت من النظام الفاسد

وشايف ان الاخوان لو مسكو مسيرة الاصلاح

هيكون ليهم دور فعال اكثر واحنا طول حياتنا كنا بنشوف ان الحكومات الاسلاميه

مكنتش بتظلم حد مسيحى بل كانت الحكومات الاسلاميه اعدل بين طوائف الشعب

عن الحكومات العلمانيه

موضوع: رد: من يصلح للرئاسة 8/2/2011, 7:46 am

ازاى ياشريف تقول ان افضل واحد عمرو موسى وانت ترشح احمد زويل

موضوع: رد: من يصلح للرئاسة 15/2/2011, 2:52 am

الكلام دا يعنى ايه يازيزو هو شريف بيقول ايه

موضوع: رد: من يصلح للرئاسة 15/2/2011, 4:56 am

انا من رايي ان عمرو موسي هو الافضل للرئاسه

احمد ذويل اكيد هو هيكون تابع للامريكان

عمرو سليمان انا حاسس ان شخصيته مش قويه لدرجة انه يكون رئيس مصر

البرادعي من امته وهو عارف مشاكل المصريين دا طول عمره بره مصر الوقتي عاوز يبئه رئيس مصر

ايمن نور برده لايليق عليه رئاسة مصر هو اخره عضو مجلس شعب

حمدين صباح زي اللي سبقه

اما الجنذوري يصلح للرئاسه بس دا وقت عمرو موسي

سامي عنان من الشخصيات التي يجب علينا ان نحترمها ونقدرها لان كان له دور كبير وكبير جدا في الازمه الاخيره واجبر مبارك علي التنحي وممكن يكون له دور في المستقبل بس للاسف سنه كبير

مرشح الاخوان مع احترامنا الكامل له بس مش مرغوب من معظم المصريين سواء مسلمين او مسحيين
الظروف دي عوزه واحد مرغوب من كل الاطراف ومش لازم يكون من الاخوان علشان نطبق الاحكام الاسلاميه

موضوع: رد: من يصلح للرئاسة 16/2/2011, 1:16 am

الحمد لله وكفي وصلاة وسلام على النبي المصطفي
بداية جزاكم الله خيرا
وهيا فكرة رائعة على التفكير في اختيار المرشح
ولكنى عندي راي
أرجوا ان تتقبلوه منى بصدر رحب

لايشترط من يكون من هؤلاء مرشح للرئاسه
كل مانتمناه ان يكون حرية وديموقراطيه وعدالة تسود
وحينها يترشح من يترشح ويتم اختياره بناء على رغبة الشعب
بنزاهة أمانه
وان الصوت أمانه فأعطه لمن يستحق
هذا أمر

أما الأمر الأخر
اري ان نستثني مرشح الأخوان
لانهم أعلنوها صريحه أنهم لن يرشحوا احدا منهم على لسان المرشد العام
في الانتخابات المقبله للرئاسه
ووالله لكم سعدت بهذا الأمر ليس لانهم غير أهل له ولكن
لانهم يفهمون ويعلمون طبيعة المجتمع والمخاطر الخارجية التى قد تتسبب الان
كل مايطلبه الأخوان ان يسود العدل والحرية
وحينها يعرف الناس الأخوان اكثر وعن قرب
وعندما تعرفوننا اكثر
قولوا ماتشاؤون ان كنا طلاب سلطه أوغير ذلك
فاوالله مأظن أنه اعتقل أخواننا وفصلنا في الجامعات
وعند السفر لابد أن نذهب الى امن الدوله
وهوا كمايشاء لسلطه والا لشيء
الا اننا اردنا الأصلاح ومانبتغي منكم جزاءا والا شكورا
وؤؤكد نريد أن نحكم بالأسلام بضم النون والا (نحكم بالأسلام بفتحها )
وأظن هذا قدو ضح قبل ذلك حينما قالها المرشد السابق الاستاذ محمد مهدي عاكف
في حوار له انه حين يوجد دوله اسلامية واحدة من يكون حاكمها
قال لايهم من يحكم سواء كان من مصر اومن غيرها
والا يكون الاخوان الادعاة تربويين للديين فهذا مانبغاه ومانريدة
وجزاكم الله خيرا

موضوع: رد: من يصلح للرئاسة 18/2/2011, 8:25 am

انا من راى كمال الجنزورى

شخصيه جميله وله انجازات

موضوع: رد: من يصلح للرئاسة 23/2/2011, 12:00 pm

السلام عليكم ... شباب المنتدى
ليا تعليق صغير على كلام الاستاذ بوفون
1- ازاى تقول عمر سليمان شخصيته مش قويه ودا كان راجل رئيس مخابرات معلشى كلامك يدل انه ليست لديك خلفيه اطلاقا
2- ازاى تقول ان سامى عنان لايصلح للرئاسه لان سنه كبير وترشح عمرو موسى مع ان عمرو موسى اكبر من سامى عنان
مع كامل احترامى لراى الاستاذ بوفون ................

موضوع: رد: من يصلح للرئاسة 24/2/2011, 6:48 am

ههههههههه
ومش ولا رائى اتحقق

موضوع: رد: من يصلح للرئاسة 24/2/2011, 7:34 am

واحد من دول

عمرو موسى

سامى عنان....بس الجيش قالوا انهم مش هيرشحوا حد

أحمد زويـــــــل

مرشح الاخوان

موضوع: رد: من يصلح للرئاسة 24/2/2011, 8:01 am

مفيش مرشح اخوان
يبقى ممكن كمال الجنزورى

موضوع: رد: من يصلح للرئاسة 1/3/2011, 4:20 am

مفيش مرشح للاخوان

ومفيش مرشح للجيش

واحمد زويل الدستور الجديد مبيسمحش له يقدم نفسه للرئاسه لانه معاه جنسيه امريكيه ومتجوز من واحدة سوريه

والجنزورى ..راجل كويس بس خلاص بيودع

امال مين ينفع ......حاجه تحير

موضوع: رد: من يصلح للرئاسة 1/3/2011, 5:03 pm

انا من راى طالما مفيش مرشح للاخوان

يبقى عمرو موسى

موضوع: رد: من يصلح للرئاسة 3/3/2011, 4:20 am

وهل عمرو موسى مش واحد من النظام الفاسد!!!

موضوع: رد: من يصلح للرئاسة 3/3/2011, 7:12 am

ليه يادكتور ؟

موضوع: رد: من يصلح للرئاسة 7/3/2011, 6:55 pm

كمال الجنزورى

» رمضان الملقب بـ«المستر»: سواق ميكروباص معاه ابتدائية قرر يحل أزمة العنوسة فى كتاب.. بس مين يصلح له الأخطاء الإملائية؟
» عمرو موسى يفكر في الترشح للرئاسة
» البرادعي: ترشحي للرئاسة مرتبط بالرغبة الشعبية
» عمرو موسى : ترشحى للرئاسة فى حاجة إلى تفكير وتدبر
» د.أحمد زويل: دخلت مرحلة التفكير فى الترشح للرئاسة